Kecha Samarqand davlat universiteti Axborot-resurs markazida bitiruvchilarni taqdirlash marosimi bo‘lib o‘tdi.
Tadbir davomida bitiruvchilarga diplomlar, sertifikatlar hamda esdalik sovg‘alari tantanali ravishda topshirildi. Shuningdek, farzandlarining ta’lim-tarbiyasiga munosib hissa qo‘shgan ota-onalar ham taqdirlandilar.
Marosim davomida tashkil etilgan musiqiy tanaffuslar tadbirga o‘zgacha shukuh bag‘ishladi. Iqtidorli qizlar tomonidan ijro etilgan raqslar yig‘ilganlarga ko‘tarinki kayfiyat ulashib, bayramona muhitni yanada mustahkamladi.
Tadbir samimiy va quvonchli ruhda o‘tib, barcha ishtirokchilarda yorqin taassurotlar qoldirdi.